PAK vs NED T20 WC 2026
સ્પોર્ટ્સ ડેસ્ક9 મિનિટ પેહલા
- કૉપી લિંક
T20 વર્લ્ડ કપ 2026ની પ્રથમ મેચ પાકિસ્તાન અને નેધરલેન્ડ્સ વચ્ચે રમાઈ રહી છે. પાકિસ્તાને ટૉસ જીતીને પ્રથમ બોલિંગ કરવાનો નિર્ણય લીધો છે.
ભારત સામેની મેચનો બહિષ્કાર કરવાના વિવાદ વચ્ચે પાકિસ્તાન ટુર્નામેન્ટની શરૂઆત કરવા જઈ રહ્યું છે. બંને ટીમની નજર આગામી રાઉન્ડમાં જગ્યા બનાવવા પર હશે, પરંતુ ફોર્મ અને તૈયારીના દૃષ્ટિકોણથી પાકિસ્તાન સ્પષ્ટપણે આગળ દેખાઈ રહ્યું છે.
લેફ્ટ આર્મ સ્પિનર મોહમ્મદ નવાઝ પૂર્વ કેપ્ટન શાહિદ આફ્રિદીનો રેકોર્ડ તોડી શકે છે. 4 વિકેટ લેતાની સાથે જ નવાઝ પાકિસ્તાન માટે ચોથા સૌથી વધુ વિકેટ લેનારા બોલર બની જશે.
બન્ને ટીમની પ્લેઇંગ-XI
પાકિસ્તાન- સાહિબઝાદા ફરહાન, સૈમ અયુબ, સલમાન આગા (કેપ્ટન), બાબર આઝમ, ફખર ઝમાન, ઉસ્માન ખાન (વિકેટકીપર), મોહમ્મદ નવાઝ, શાહીન આફ્રિદી, સલમાન મિર્ઝા, ઉસ્માન તારિક, અબરાર અહેમદ.
નેધરલેન્ડ્સ- માઈકલ લેવિટ, મેક્સ ઓ’ડાઉડ, કોલિન એકરમેન, સ્કોટ એડવર્ડ્સ (કેપ્ટન/વિકેટકીપર), બાસ ડી લીડે, જેક લાયન-કેશે, લોગન વેન બીક, રોલોફ વેન ડેર મેરવે, કાઈલ ક્લાઈન, આર્યન દત્ત, પોલ વેન મીકેરેન.
લાઈવ અપડેટ્સ
11 મિનિટ પેહલા
- કૉપી લિંક
પાકિસ્તાને તમામ મેચ જીતી
પાકિસ્તાન અને નેધરલેન્ડ્સ વચ્ચે અત્યાર સુધી કુલ 2 T20 આંતરરાષ્ટ્રીય મેચ રમાઈ છે અને બંને મેચ પાકિસ્તાને જીતી છે. નેધરલેન્ડ્સને હજુ સુધી આ ફોર્મેટમાં તેની સામે પ્રથમ જીતની રાહ છે.
11 મિનિટ પેહલા
- કૉપી લિંક
9 મહિનામાં સૌથી વધુ T20 રમનારી ટીમ
પાકિસ્તાન છેલ્લા નવ મહિનામાં સૌથી વધુ T20 ઇન્ટરનેશનલ રમનારી ટીમ રહી છે. આ સમયગાળા દરમિયાન તેણે 10 અલગ-અલગ દેશો સામે 34 મેચ રમી અને 24 જીતી. તાજેતરમાં તેણે ઓસ્ટ્રેલિયાને 3-0થી ક્લીન સ્વીપ કરીને શાનદાર તૈયારી પણ બતાવી છે.
12 મિનિટ પેહલા
- કૉપી લિંક
બહિષ્કારની અસર
ભારત સામેના બહિષ્કારને કારણે પાકિસ્તાન પહેલાથી જ નેટ રન રેટ અને પોઈન્ટ્સ ટેબલમાં દબાણમાં છે. આવા સંજોગોમાં તેના માટે દરેક મેચ કરો યા મરો જેવી હોઈ શકે છે.
12 મિનિટ પેહલા
- કૉપી લિંક
અયૂબ ટૉપ સ્કોરર
2024 થી અત્યાર સુધી T20 ક્રિકેટમાં સઈમ અયુબ પાકિસ્તાન માટે સૌથી વધુ રન બનાવનાર બેટર રહ્યો છે. તેણે 53 મેચમાં 1105 રન બનાવ્યા છે, જેમાં તેનો સર્વશ્રેષ્ઠ સ્કોર અણનમ 98 રન રહ્યો છે. આ દરમિયાન અયુબનો સ્ટ્રાઈક રેટ 137.43 રહ્યો છે.
પાકિસ્તાનના કેપ્ટન સલમાન આગાએ આક્રમક ક્રિકેટ રમ્યું છે. પહેલા સ્ટ્રાઈક રેટને લઈને ટીકાઓનો સામનો કરનાર આગાએ શ્રીલંકા સામે 12 બોલમાં 45 અને ઓસ્ટ્રેલિયા સિરીઝમાં 70 બોલમાં 120 રન બનાવ્યા.
બોલિંગમાં શાહીન આફ્રિદી પાકિસ્તાનનો સૌથી અસરકારક બોલરોમાંના એક રહ્યો છે. તેણે 46 મેચમાં 64 વિકેટ પોતાના નામે કરી છે. આ દરમિયાન તેનું સર્વશ્રેષ્ઠ પ્રદર્શન 4 વિકેટે 30 રન રહ્યું, જ્યારે તેનો ઇકોનોમી રેટ 7.42 રહ્યો.
12 મિનિટ પેહલા
- કૉપી લિંક
માઈકલ લેવિટ 142+ સ્ટ્રાઈક રેટથી રન બનાવે છે
નેધરલેન્ડ્સના યુવા ઓપનર માઈકલ લેવિટ ટીમની સૌથી મોટી આશા છે. 22 વર્ષની ઉંમરે તે ટીમનો ટૉપ રન-સ્કોરર્સમાં સામેલ છે અને 142+ સ્ટ્રાઈક રેટથી રન બનાવે છે.
2024 થી અત્યાર સુધી માઈકલ લેવિટે 26 મેચમાં 866 રન બનાવ્યા છે, જેમાં તેમનો સર્વશ્રેષ્ઠ સ્કોર 135 રન રહ્યો છે. જ્યારે બોલિંગમાં કાઈલ ક્લેન નેધરલેન્ડ્સના મુખ્ય વિકેટ-ટેકર રહ્યો છે. તેણે 17 મેચમાં 28 વિકેટ ઝડપી છે. તેનું સર્વશ્રેષ્ઠ પ્રદર્શન 4 વિકેટે 16 રન રહ્યું છે, જ્યારે 7.94 ની ઈકોનોમી રેટ છે.
13 મિનિટ પેહલા
- કૉપી લિંક
ઇન્ટરેસ્ટિંગ ફેક્ટ્સ…
2022 T20 વર્લ્ડ કપમાં નેધરલેન્ડ્સે સાઉથ આફ્રિકાને હરાવીને પાકિસ્તાનને ફાયદો પહોંચાડ્યો હતો, તે જ જીતથી પાકિસ્તાન સેમિફાઇનલમાં પહોંચ્યું હતું.
મોહમ્મદ નવાઝ, શાહિદ આફ્રિદીને પાછળ છોડીને પાકિસ્તાનની ટોપ T20 વિકેટ-ટેકર લિસ્ટમાં ચોથા નંબર પર પહોંચવાથી 4 વિકેટ દૂર છે.
નેધરલેન્ડ્સના છેલ્લા T20 પછી પાકિસ્તાન 24 T20 રમી ચૂક્યું છે.
14 મિનિટ પેહલા
- કૉપી લિંક
પીચ અને હવામાન
કોલંબોના સિંહલી સ્પોર્ટ્સ ક્લબ મેદાન પર અત્યાર સુધી માત્ર બે જ T20 આંતરરાષ્ટ્રીય મેચો રમાઈ છે, આવી સ્થિતિમાં, પીચનું વર્તન સંપૂર્ણપણે આંકડાઓથી સમજવું સરળ નથી. જોકે, સપાટી બેટિંગ માટે અનુકૂળ માનવામાં આવી રહી છે, જ્યારે શરૂઆતી ઓવરોમાં ઝડપી બોલરોને પણ મદદ મળવાની અપેક્ષા છે.
સ્પિન બોલરોની ભૂમિકા રહેશે, પરંતુ આ મદદ આર. પ્રેમદાસા સ્ટેડિયમ જેટલી વધારે નહીં હોય. વળી, હવામાન પણ મેચ પર અસર કરી શકે છે, મેચ દરમિયાન હળવા વરસાદની આશંકા વ્યક્ત કરવામાં આવી છે.
latest video
news via inbox
Subscribe for the latest updates, promotions, and ads.
