Rishabh Pant; IPL 2026 LSG vs KKR LIVE Score Updates Mukul Chaudhary Mohsin Khan
- Gujarati News
- Sports
- Cricket
- Rishabh Pant; IPL 2026 LSG Vs KKR LIVE Score Updates Mukul Chaudhary Mohsin Khan | Ajinkya Rahane Sunil Narine
સ્પોર્ટ્સ ડેસ્ક54 મિનિટ પેહલા
- કૉપી લિંક
IPLમાં આજે પણ બે મેચ રમાશે. દિવસની બીજી મેચમાં લખનઉ સુપર જાયન્ટ્સ (LSG) પોતાના હોમ ગ્રાઉન્ડ એકાના સ્ટેડિયમમાં કોલકાતા નાઈટ રાઈડર્સ (KKR)નો સામનો કરશે. આ મેચ સાંજે 7:30 વાગ્યે શરૂ થશે.
લખનઉ અને કોલકાતા આ સીઝનમાં બીજી વખત આમને-સામને રમશે. 3 એપ્રિલે કોલકાતામાં રમાયેલી મેચમાં LSGએ KKRને 3 વિકેટે હરાવ્યું હતું. બંને ટીમ પોઇન્ટ્સ ટેબલમાં સૌથી નીચે છે. લખનઉએ 7 માંથી 2 મેચ જીતી છે અને તે નવમા નંબરે છે. બીજી તરફ, કોલકાતાને 7માંથી અત્યાર સુધી માત્ર એક જ જીત નસીબ થઈ છે.
લખનઉની બાદશાહત, 7માંથી જીતી 5 મેચ
બંને ટીમ વચ્ચે અત્યાર સુધી લખનઉનું પલડું ભારે દેખાઈ રહ્યું છે. અત્યાર સુધી રમાયેલી કુલ 7 મેચમાંથી લખનઉએ 5 મેચમાં જીત નોંધાવી છે, જ્યારે કોલકાતાને માત્ર 2 મેચમાં જ સફળતા મળી છે.
માર્શ અને પ્રિન્સ લખનઉના ટૉપ પ્લેયર્સ
LSG માટે આ સીઝનમાં મિચેલ માર્શે શાનદાર પ્રદર્શન કર્યું છે. તેણે 7 મેચમાં 134.61ની સ્ટ્રાઈક રેટથી 210 રન બનાવ્યા છે, જેમાં એક ફિફ્ટી સામેલ છે. બોલિંગમાં પ્રિન્સ યાદવ સૌથી સફળ રહ્યો છે, જેણે 7 મેચમાં 13 વિકેટ ઝડપી છે.
અંગક્રિષ અને કાર્તિક ત્યાગી KKRની તાકાત
કોલકાતા નાઈટ રાઈડર્સ તરફથી યુવા બેટર અંગકૃષ રઘુવંશી ફોર્મમાં છે. તેણે 7 મેચમાં 142.85ની સ્ટ્રાઈક રેટથી 200 રન બનાવ્યા છે, જેમાં 2 ફિફ્ટી સામેલ છે. બોલિંગ વિભાગમાં કાર્તિક ત્યાગી 7 મેચમાં 8 વિકેટ ઝડપી ચૂક્યો છે.
અહીં 26મી મેચ રમાશે
લખનઉના ઈકાના સ્ટેડિયમની પીચ પર સ્પિનરોને મદદ મળવાની આશા છે. અહીં અત્યાર સુધી કુલ 25 IPL મેચ રમાઈ છે. 10 મેચમાં પ્રથમ બેટિંગ અને 14 મેચમાં ચેઝ કરનાર ટીમોને જીત મળી છે. એક મેચ અનિર્ણિત પણ રહી હતી.
અહીં IPLનો સૌથી મોટો સ્કોર કોલકાતા નાઈટ રાઈડર્સ (KKR)ના નામે છે, જેમણે 2024 માં લખનઉ સામે 235/6 રન બનાવ્યા હતા. જ્યારે સૌથી લોએસ્ટ સ્કોર લખનઉ સુપર જાયન્ટ્સ (LSG)ના નામે નોંધાયેલ છે, જ્યારે તેઓ 2023માં રોયલ ચેલેન્જર્સ બેંગલુરુ (RCB) સામે માત્ર 108 રનમાં સમેટાઈ ગયા હતા.
લખનઉમાં આજે કાળઝાળ ગરમી રહેશે
લખનઉમાં રવિવારે ખૂબ જ તેજ ધૂપ અને ગરમી રહેશે. પવનની ગતિ 19 કિમી પ્રતિ કલાક રહેશે. મેચના દિવસે અહીંનું તાપમાન 43 થી 27 ડિગ્રી સેલ્સિયસની વચ્ચે રહેશે.
બન્ને ટીમની સંભવિત પ્લેઇંગ-12
લખનઉ સુપર જાયન્ટ્સ (LSG): મિચેલ માર્શ, આયુષ બદોની, રિષભ પંત (કેપ્ટન અને વિકેટકીપર), એડન માર્કરમ, નિકોલસ પૂરન, મુકુલ ચૌધરી, મોહમ્મદ શમી, મોહસિન ખાન, પ્રિન્સ યાદવ, દિગ્વેશ રાઠી, મયંક યાદવ અને હિંમત સિંહ.
કોલકાતા નાઈટ રાઈડર્સ (KKR): ટિમ સેફર્ટ, સુનીલ નારાયણ, અજિંક્ય રહાણે (કેપ્ટન), અંગક્રિષ રઘુવંશી (વિકેટકીપર), કેમરૂન ગ્રીન, રિંકુ સિંહ, રમણદીપ સિંહ, રોવમેન પોવેલ, અનુકૂલ રોય, વૈભવ અરોરા, કાર્તિક ત્યાગી અને વરુણ ચક્રવર્તી.
latest video
news via inbox
Subscribe for the latest updates, promotions, and ads.
