લખનઉ માટે આ સીઝન નિરાશાજનક રહી છે. ટીમ પોઇન્ટ્સ ટેબલમાં 10મા સ્થાને છે. કેપ્ટન રિષભ પંત ખરાબ ફોર્મ સામે ઝઝૂમી રહ્યો છે, જેની અસર ટીમના પ્રદર્શન પર પડી છે. નિકોલસ પૂરન, જોશ ઇગ્લિસ અને મિચેલ માર્શ જેવા ખેલાડીઓ પોતાના દમ પર મેચ પલટી શકે છે. હોમ ગ્રાઉન્ડનો ફાયદો લખનઉને મળી શકે છે. મિચેલ માર્શ ટીમનો ટૉપ રન સ્કોરર છે. તેણે 11 મેચમાં 377 રન બનાવ્યા છે.

બોલિંગ યુનિટ પણ રન પર અંકુશ લગાવવામાં અને ટાર્ગેટને ડિફેન્ડ કરાવવામાં નિષ્ફળ રહ્યું છે. પહેલા લેગમાં લખનઉ 203 રનનો સ્કોર પણ ડિફેન્ડ કરી શકી નહોતી. પ્રિન્સ યાદવ ટીમનો ટૉપ વિકેટ ટેકર છે. તેણે 11 મેચમાં 8.17ની ઇકોનોમીથી 16 વિકેટ લીધી છે.

ચેન્નઈનો ઓલરાઉન્ડર જેમી ઓવરટન IPLમાંથી બહાર

મેચ પહેલા ચેન્નઈને મોટો ઝટકો લાગ્યો છે. ઓલરાઉન્ડર જેમી ઓવરટન સાથળની ઈજાના કારણે ટુર્નામેન્ટની બાકીની મેચમાંથી બહાર થઈ ગયો છે. તે સારવાર માટે ઇંગ્લેન્ડ પરત ફર્યો છે. ઓવરટને આ સીઝનમાં 10 મેચમાં 14 વિકેટ લીધી હતી. તેની ગેરહાજરીમાં બોલિંગની જવાબદારી મુકેશ ચૌધરી, અંશુલ કંબોજ અને નૂર અહમદ પર રહેશે. કંબોજ 11 મેચમાં 19 વિકેટ લઈને ટીમનો ટૉપ વિકેટટેકર છે.

ઉર્વિલ અને સેમસનના ખભા પર બેટિંગનો ભાર

ચેન્નઈની બેટિંગ આ સીઝનમાં ઉતાર-ચઢાવવાળી રહી છે, પરંતુ ઋતુરાજ ગાયકવાડ, સંજુ સેમસન અને ઉર્વિલ પટેલે ટીમને સંભાળી છે. ઉર્વિલની આક્રમક બેટિંગે પાવરપ્લેમાં ટીમને ઝડપી શરૂઆત અપાવી છે.

મિડલ ઓવર્સમાં શિવમ દુબે, કાર્તિક શર્મા અને ડેવાલ્ડ બ્રેવિસ પાસેથી મોટા સ્કોરની આશા હશે. એકાનાની પીચ બેટર્સ માટે મદદરૂપ માનવામાં આવી રહી છે. સંજુ સેમસન ટીમનો ટૉપ રન સ્કોરર છે. તેણે 11 મેચમાં 169.29ના સ્ટ્રાઈક રેટથી 430 રન બનાવ્યા છે.

એકાનામાં અત્યાર સુધી 27 મેચ રમાઈ