Sanju Samson Joins Rohit-Kohli Club with 400 Sixes; CSK vs DC IPL 2026 Moments
ચેન્નઈ3 કલાક પેહલા
- કૉપી લિંક
ચેન્નઈ સુપર કિંગ્સે IPL 2026ની 18મી મેચમાં દિલ્હી કેપિટલ્સને 23 રનથી હરાવ્યું. ચેપોક સ્ટેડિયમમાં સંજુ સેમસને રોહિત શર્મા અને વિરાટ કોહલીના ક્લબમાં એન્ટ્રી લીધી. તેઓ ટી-20માં 400 સિક્સ પૂરા કરનાર ચોથા ભારતીય બન્યા. તેમણે આ સિઝનની પ્રથમ સદી ફટકારી. ફિલ્ડિંગમાં સરફરાઝ ખાને ડાઈવિંગ કેચ લઈને અક્ષર પટેલને પેવેલિયન ભેગા કર્યા.
CSK Vs DC મેચના રેકોર્ડ્સ-મોમેન્ટ્સ
1. સંજુએ IPL કરિયરની ચોથી સદી ફટકારી
18મી ઓવરના પાંચમા બોલ પર સંજુ સેમસને ચોગ્ગો ફટકારીને સદી પૂરી કરી. આ આ સિઝનની પ્રથમ અને IPLમાં તેમની ચોથી સદી રહી. દિલ્હી સામે ચેન્નઈમાં કોઈ CSK બેટરની આ બીજી સદી છે. આ પહેલા મુરલી વિજયે 2012ના ક્વોલિફાયરમાં આ જ મેદાન પર 113 રન બનાવ્યા હતા.
2. સંજુના નામે 401 સિક્સ
સંજુ સેમસને ટી-20માં 400 સિક્સ પૂરા કર્યા. તે આવું કરનાર ચોથા ભારતીય બન્યા. તેમના પહેલા રોહિત શર્મા (554), વિરાટ કોહલી (441) અને સૂર્યકુમાર યાદવ (442) આ મુકામ સુધી પહોંચી ચૂક્યા છે.
3. આયુષ IPLમાં રિટાયર આઉટ થનાર છઠ્ઠા ખેલાડી
આયુષ IPLમાં રિટાયર આઉટ થનાર છઠ્ઠા ખેલાડી બન્યા. તેમની પહેલા રવિચંદ્રન અશ્વિન (2022), અથર્વ તાયડે (2023), સાઈ સુદર્શન (2023), તિલક વર્મા (2025) અને ડેવોન કોનવે (2025) પણ આ રીતે આઉટ થઈ ચૂક્યા છે.
17મી ઓવરના ત્રીજા બોલ પર આયુષ મ્હાત્રે 59 રન બનાવીને રિટાયર આઉટ થયા. તેમની જગ્યાએ શિવમ દુબે બેટિંગ કરવા આવ્યા.
4. આયુષની ત્રીજી IPL ફિફ્ટી
આયુષ 19 વર્ષની ઉંમર પહેલા IPLમાં સૌથી વધુ 50+ સ્કોર બનાવનાર બીજા પ્લેયર બન્યા. તેમણે 15મી ઓવરના પહેલા બોલ પર સિક્સ લગાવીને ત્રીજી IPL ફિફ્ટી પૂરી કરી. આ મામલે વૈભવ સૂર્યવંશી 4 અર્ધશતકો સાથે ટોપ પર છે.
અહીંથી મોમેન્ટ્સ…
સેમસનને જીવનદાન, નિસાંકાથી કેચ છૂટ્યો
10મી ઓવરના ત્રીજા બોલ પર સંજુ સેમસનને જીવનદાન મળ્યું. અક્ષર પટેલના બોલ પર તેણે લાંબો શોટ રમ્યો. લોંગ-ઓફ પર ઉભેલા પાથુમ નિસાંકા કેચ લેવા દોડ્યા, પરંતુ બોલ હાથમાંથી છૂટી ગયો અને ચોગ્ગો ગયો.
નિસાંકાએ સંજુને 52 રન પર જીવનદાન મળ્યું.
આયુષનો કુલદીપ-મિલરથી કેચ છૂટ્યો
12મી ઓવરમાં કુલદીપ યાદવની ત્રીજી બોલ પર આયુષ મ્હાત્રેને જીવનદાન મળ્યું. તેણે બોલ સીધો બોલર તરફ રમ્યો, પરંતુ કુલદીપ ફોલોથ્રુમાં કેચ પકડી શક્યો નહીં.
16મી ઓવરના પાંચમા બોલ પર એક વધુ તક છૂટી. મુકેશ કુમારના બોલ પર મ્હાત્રે આગળ વધ્યો, પરંતુ બોલ યોગ્ય રીતે કનેક્ટ થયો નહીં અને હવામાં ગયો. લોંગ-ઓનથી દોડતા ડેવિડ મિલરે ડાઈવ લગાવી, પરંતુ કેચ પકડી શક્યો નહીં. આ રીતે આયુષને બીજી વાર જીવનદાન મળ્યું.
આયુષને બે જીવનદાન મળ્યા.
મ્હાત્રે રિટાયર આઉટ થયા
17મી ઓવરના ત્રીજા બોલ પર આયુષ મ્હાત્રે 59 રન બનાવીને રિટાયર આઉટ થયા. આ એક ટેક્ટિકલ નિર્ણય હતો, જેમાં ટીમે ઝડપી રન બનાવવા માટે નવો બેટર મોકલ્યો. ત્યારબાદ શિવમ દુબે બેટિંગ કરવા આવ્યા.
આયુષ મ્હાત્રેએ 36 બોલમાં 59 રન બનાવ્યા, જેમાં 3 ચોગ્ગા અને 4 છગ્ગા શામેલ હતા.
સરફરાજના ડાઇવિંગ કેચથી અક્ષર આઉટ
7મી ઓવરના પહેલા બોલ પર દિલ્હીએ ત્રીજી વિકેટ ગુમાવી. અક્ષર પટેલ એક રન બનાવીને આઉટ થયો. ગુરજપનીત સિંહના શોર્ટ ઓફ લેન્થ બોલ પર અક્ષરે કટ શોટ રમ્યો, પરંતુ બોલ નીચે રાખી શક્યો નહીં. પોઈન્ટ પર સરફરાઝ ખાને જમણી બાજુ ડાઈવ લગાવીને કેચ પકડ્યો.
સરફરાઝ ખાને એક રન પર અક્ષરનો કેચ પકડ્યો.
સ્ટબ્સના ગ્લવ્સ બદલવા પર અમ્પાયરે ના પાડી, આગલા બોલ પર આઉટ
દિલ્હીની ઇનિંગ્સના અંતે વિવાદ થયો. ટ્રિસ્ટન સ્ટબ્સ ગ્લવ્સ બદલવા માંગતો હતો, પરંતુ ચોથા અમ્પાયરે મંજૂરી આપી નહીં. આનાથી દિલ્હી કેમ્પ નારાજ દેખાયો. આ પછી 19મી ઓવરના ત્રીજા બોલ પર જેમી ઓવર્ટને સ્ટબ્સને આઉટ કર્યો.
લેન્થ બોલ પર સ્ટબ્સે મિડ-ઓફ ઉપર શોટ રમવાનો પ્રયાસ કર્યો, પરંતુ બોલ ઝડપથી આવ્યો અને બેટના ઉપરના ભાગે વાગીને હવામાં ગયો. મિડ-ઓફથી પાછળ દોડતા નૂર અહેમદે કેચ પકડ્યો. આ વિકેટ મેચનો ટર્નિંગ પોઈન્ટ બની.
સ્ટબ્સ 38 બોલમાં 60 રન બનાવીને આઉટ થયો.
latest video
news via inbox
Subscribe for the latest updates, promotions, and ads.
