T20 વર્લ્ડ કપ જીત્યા પછી ભારતીય ઓલરાઉન્ડર શિવમ દુબે ટ્રેનથી મુંબઈ પહોંચ્યો હતો. તેણે અમદાવાદ-મુંબઈ સાયાજી એક્સપ્રેસની AC-3 ટિયર કોચમાં ઉપરની બર્થ પર છુપાઈને મુસાફરી કરી, જેથી કોઈ તેને ઓળખી ન શકે. મુસાફરી દરમિયાન જ્યારે ટિકિટ ચેકરે નામ વિશે સવાલ કર્યો ત્યારે તેની પત્ની અંજુમે તરત જ વાત સંભાળીને તેની ઓળખ પણ છુપાવી દીધી.

ટ્રેનની ઉપરની બર્થ પર છુપાઈને કરી મુસાફરી

અમદાવાદના નરેન્દ્ર મોદી સ્ટેડિયમમાં ફાઇનલ જીત્યા પછી દુબે સોમવારે સવારે લગભગ 5:10 વાગ્યાની ટ્રેનથી મુંબઈ રવાના થયા. તેણે ઓળખ છુપાવવા માટે કેપ, માસ્ક અને ફુલ સ્લીવ ટી-શર્ટ પહેરી. ટ્રેનમાં બેસતા જ તેઓ AC-3 ટિયર કોચની ઉપરની બર્થ પર જઈને સૂઈ ગયો અને રેલવે ધાબળો ઓઢી લીધો જેથી કોઈ ઓળખી ન શકે.

પત્નીએ TTEથી ઓળખ છુપાવી

પ્રવાસ દરમિયાન ટિકિટ ચેકરને દુબેના નામ પર શંકા ગઈ. જ્યારે TTEએ પૂછ્યું કે શિવમ દુબે કોણ છે, શું તે ક્રિકેટર છે?, ત્યારે તેની પત્ની અંજુમે તરત જવાબ આપ્યો કે અહીં એવું કોઈ નથી. આ પછી ટિકિટ ચેકર આગળ વધી ગયો અને દુબેની ઓળખ છુપાયેલી રહી.

શિવમ દુબે પત્ની અંજુમ સાથે.

બાળકોને મળવાની ઉતાવળમાં લીધો નિર્ણય

દુબેએ જણાવ્યું કે ફાઇનલ પછી મુંબઈ જતી બધી ફ્લાઇટ્સ ફૂલ હતી. રોડ માર્ગે જવું પણ શક્ય હતું, પરંતુ ટ્રેન વધુ ઝડપી વિકલ્પ હતો. તેઓ જલદીથી જલદી પોતાના ચાર વર્ષના દીકરા અયાન અને બે વર્ષની દીકરી મેહવિશને મળવા માગતો હતો, જેએ મુંબઈમાં ઘરે હતા.

બોરીવલી સ્ટેશન પર પોલીસે મદદ કરી

લગભગ આઠ કલાકની મુસાફરી પછી જ્યારે ટ્રેન મુંબઈના બોરીવલી સ્ટેશન પહોંચવાની હતી, ત્યારે દુબેને ભીડની ચિંતા થવા લાગી. તેણે પોલીસની મદદ માગી. પોલીસ એસ્કોર્ટ મળ્યા પછી, તે સુરક્ષિત રીતે સ્ટેશનની બહાર નીકળી શક્યો.

ટુર્નામેન્ટમાં ફિનિશરની ભૂમિકા ભજવી

T20 વર્લ્ડ કપમાં દુબેએ ફિનિશરની ભૂમિકા ભજવી. તેણે ટુર્નામેન્ટમાં 235 રન બનાવ્યા, તેની સરેરાશ 39 અને સ્ટ્રાઈક રેટ 169 રહ્યો. ફાઇનલમાં પણ તેણે છેલ્લી ઓવરમાં 3 ચોગ્ગા અને 2 છગ્ગા ફટકારીને ભારતનો સ્કોર 250ને પાર પહોંચાડવામાં મહત્વની ભૂમિકા ભજવી.

શિવમ દુબેએ T20 વર્લ્ડ કપમાં 235 રન બનાવ્યા.

દિવ્ય ભાસ્કરને Google પર મનપસંદ સોર્સ બનાવો