Shreyas Iyer; IPL 2026 LSG vs PBKS LIVE Score Updates Rishabh Pant Mitchell Marsh
- Gujarati News
- Sports
- Cricket
- Shreyas Iyer; IPL 2026 LSG Vs PBKS LIVE Score Updates Rishabh Pant Mitchell Marsh | Priyansh Arya Arshdeep Singh
સ્પોર્ટ્સ ડેસ્ક32 મિનિટ પેહલા
- કૉપી લિંક
IPLમાં શનિવારે પંજાબ કિંગ્સ (PBKS)નો સામનો લખનઉ સુપર જાયન્ટ્સ (LSG) સામે થશે. આ મેચ લખનઉના એકાના સ્ટેડિયમમાં સાંજે 7.30 વાગ્યાથી રમાશે. પંજાબ માટે આ મેચ ‘કરો અથવા મરો’ જેવી છે. ટુર્નામેન્ટના પહેલા હાફમાં 7માંથી 6 મેચ જીતનારી આ ટીમ સતત 6 મેચ હારી ચૂકી છે.
પંજાબે લખનઉ સામે જીત મેળવ્યા બાદ રવિવારની અન્ય મેચના પરિણામો પર પણ નિર્ભર રહેવું પડશે. બીજી તરફ, લખનઉ પહેલાથી જ પ્લેઑફની રેસમાંથી બહાર થઈ ચૂક્યું છે.
IPLમાં બંને ટીમ આઠમી વખત ટકરાશે
IPLમાં બંને ટીમ અત્યાર સુધી 7 વખત સામસામે આવી ચૂકી છે. જેમાંથી લખનઉએ 3 અને પંજાબે 4 મેચ જીતી છે, જ્યારે એક મેચ ટાઈ રહી હતી. આ સીઝનમાં બંને ટીમ બીજી વખત આમને-સામને થશે. પહેલી મેચમાં પંજાબે પોતાના હોમગ્રાઉન્ડ પર લખનઉને હરાવ્યું હતું.
પંત અને પૂરન પાસેથી મોટી ઇનિંગ્સની આશા
લખનઉ માટે સૌથી મોટી રાહતની વાત મિચેલ માર્શ અને જોશ ઇંગ્લિસનું શાનદાર ફોર્મ છે. છેલ્લી મેચમાં બંનેએ 8.2 ઓવરમાં 109 રનની ભાગીદારી કરી હતી. નિકોલસ પૂરન છેલ્લી 4 મેચમાં માત્ર 87 રન જ બનાવી શક્યો છે અને તે ફોર્મમાં પરત ફરવા ઇચ્છશે. કેપ્ટન રિષભ પંતના બેટમાંથી આ સીઝનમાં માત્ર એક જ અડધી સદી નીકળી છે. પંત છેલ્લી મેચમાં મોટી ઇનિંગ રમીને સીઝનનો અંત લાવવા માગશે.
બોલિંગમાં એ જોવું રસપ્રદ રહેશે કે મોહમ્મદ શમી ટીમમાં પરત ફરે છે કે નહીં. મિચેલ માર્શ 13 મેચમાં 563 રન બનાવીને ટીમનો ટૉપ રન સ્કોરર છે, જ્યારે પ્રિન્સ યાદવ 13 મેચમાં 16 વિકેટ લઈને ટૉપ વિકેટ ટેકર છે.
પ્રિયાંશ, પ્રભસિમરન અને કેપ્ટન શ્રેયસ આઉટ ઑફ ફોર્મ
પંજાબ કિંગ્સની સૌથી મોટી નબળાઈ તેનો બેટિંગ ઓર્ડર બની ગઈ છે. શરૂઆતની મેચમાં આક્રમક શરૂઆત અપાવનારા પ્રિયાંશ આર્ય, પ્રભસિમરન સિંહ અને કૂપર કોનોલી છેલ્લી કેટલીક મેચથી ફ્લોપ રહ્યા છે. પ્રિયાંશે છેલ્લી 7 ઇનિંગ્સમાં માત્ર એક જ ફિફ્ટી ફટકારી છે અને છેલ્લી મેચમાં તે ઝીરો પર આઉટ થયો હતો. પ્રભસિમરન પણ છેલ્લી 5 ઇનિંગ્સમાં માત્ર એક જ ફિફ્ટી મારી શક્યો છે.
કેપ્ટન શ્રેયસ અય્યરનું બેટ પણ શાંત છે. છેલ્લી 6 હારમાં તે માત્ર એક જ વાર 50 રનનો આંકડો પાર કરી શક્યો છે. દિલ્હી સામે મેચ જીતાડનારો મિડલ ઓર્ડર અત્યારે આઉટ ઑફ ફોર્મ છે, જ્યારે નબળી બોલિંગ અને ફિલ્ડિંગે ટીમની મુશ્કેલીઓ વધારી દીધી છે. કૂપર કોનોલી 13 મેચમાં 473 રન બનાવીને ટીમનો ટૉપ રન સ્કોરર છે, જ્યારે અર્શદીપ સિંહ 13 મેચમાં 14 વિકેટ લઈને ટૉપ વિકેટ ટેકર છે.
પીચ રિપોર્ટ
એકાના સ્ટેડિયમની પીચ પર સ્પિનરોને ઘણી મદદ મળે છે અને બેટર્સ માટે મોટા હિટ્સ લગાવવા સરળ હોતા નથી. શરૂઆતની ઓવરોમાં ફાસ્ટ બોલરોને પણ મૂવમેન્ટ અને સ્વિંગ મળે છે, જે બેટર્સ સામે અસરકારક સાબિત થઈ શકે છે.
લખનઉનું એકાના સ્ટેડિયમ બાકીના મેદાનો કરતાં અલગ માનવામાં આવે છે. જ્યાં દિલ્હી, મુંબઈ, બેંગલુરુ અને કોલકાતામાં 200 રન બનવા સામાન્ય વાત છે, ત્યાં આ મેદાન પર સરેરાશ સ્કોર 165-170 વચ્ચે રહે છે. આનાથી મેચ સંતુલિત જોવા મળે છે.
આ પીચ પર અત્યાર સુધીમાં IPLની 28 મેચ રમાઈ છે. જેમાંથી 11 વખત પહેલા બેટિંગ કરનારી ટીમ જીતી છે, જ્યારે 15 વખત ટાર્ગેટને ચેઝ કરનારી ટીમને જીત મળી છે. એક મેચ ટાઈ રહી હતી અને એક મેચનું કોઈ પરિણામ આવ્યું ન હતું.
વરસાદની કોઈ શક્યતા નથી
લખનઉમાં મેચ દરમિયાન હવામાન ખૂબ જ ગરમ અને સૂકું રહેશે. દિવસભર તીવ્ર ધૂપ અને લૂ ચાલવાની શક્યતા છે. સાંજે 7.30 વાગ્યે તાપમાન 36 થી 38 ડિગ્રીની આસપાસ હોઈ શકે છે. વરસાદની કોઈ શક્યતા નથી અને આકાશ એકદમ સ્વચ્છ રહેશે.
બન્ને ટીમની સંભવિત પ્લેઇંગ-12
લખનઉ સુપર જાયન્ટ્સ (LSG): મિચેલ માર્શ, જોશ ઇંગ્લિસ, નિકોલસ પૂરન, આયુષ બદોની, રિષભ પંત (કેપ્ટન અને વિકેટકીપર), અબ્દુલ સમદ, શાહબાઝ અહમદ, મોહસિન ખાન, મયંક યાદવ, આકાશ સિંહ અને પ્રિન્સ યાદવ.
ઇમ્પેક્ટ પ્લેયર: દિગ્વિજય સિંહ રાઠી
પંજાબ કિંગ્સ (PBKS): પ્રભસિમરન સિંહ (વિકેટકીપર), કૂપર કોનોલી, શ્રેયસ અય્યર (કેપ્ટન), શશાંક સિંહ, સૂર્યાંશ શેડગે, અઝમતુલ્લાહ ઓમરઝઈ, હરપ્રીત બરાર, ઝેવિયર બાર્ટલેટ, લોકી ફર્ગ્યુસન, અર્શદીપ સિંહ અને યુઝવેન્દ્ર ચહલ
ઇમ્પેક્ટ પ્લેયર: પ્રિયાંશ આર્ય.
latest video
news via inbox
Subscribe for the latest updates, promotions, and ads.
