‘પઠાણ’ જેવી બ્લોકબસ્ટર ફિલ્મનું નિર્દેશન કરી ચૂકેલા ડિરેક્ટર સિદ્ધાર્થ આનંદે 20 જાન્યુઆરીએ મુંબઈમાં આર્ટ ઓફ લિવિંગના ગુરુદેવ શ્રી શ્રી રવિશંકર સાથે ગહન ચિંતનભરી મુલાકાત કરી. નિર્માતા મહાવીર જૈન સાથે આ બેઠક તેની નવી આંતરરાષ્ટ્રીય થ્રિલર ‘વ્હાઇટ’ પર કેન્દ્રિત રહી, જેને કોલંબિયાના 52 વર્ષના ગૃહયુદ્ધ-અહિંસાની સાચી વાર્તામાંથી પ્રેરણા મળી છે.

આ પ્રસંગે સિદ્ધાર્થ આનંદે કહ્યું- વ્હાઇટ અનેક રીતે ભારતની ગૌરવ ગાથા છે. આજે દુનિયા વહેંચાયેલી છે, આ ફિલ્મ બતાવશે કે ભારતીય મૂલ્ય-દર્શન કેવી રીતે શાંતિનો માર્ગ બતાવી શકે છે.” ગુરુદેવની હાજરીને “આત્મિક શક્તિ” ગણાવતા તેણે કહ્યું, “તેમની સાથે બેસવું સંતુલન આપે છે. વ્હાઇટ પણ આ જ શાંતિનો સંદેશ આપશે.”

રાષ્ટ્રીય પુરસ્કાર વિજેતા વિક્રાંત મેસી અને આંતરરાષ્ટ્રીય કલાકારોની ટીમથી સજેલી ‘વ્હાઇટ’ કોલંબિયામાં 52 વર્ષ સુધી ચાલેલા ગૃહ સંઘર્ષ અને તેના અહિંસા અને શાંતિ દ્વારા ઐતિહાસિક સમાધાનની સાચી વાર્તાથી પ્રેરિત છે. આ ફિલ્મનું નિર્દેશન મોન્ટુ બસ્સીએ કર્યું છે.

કોલંબિયા અને ભારતમાં સઘન શૂટિંગ શેડ્યૂલ પૂર્ણ કર્યા પછી, ‘વ્હાઇટ’ને એક એવી ઐતિહાસિક ફિલ્મ માનવામાં આવી રહી છે, જે વૈશ્વિક દર્શકો સમક્ષ ભારતના દાર્શનિક નેતૃત્વને પ્રભાવશાળી રીતે રજૂ કરશે. આ ફિલ્મ અંગ્રેજી અને સ્પેનિશ ભાષામાં બની રહી છે અને આ જ વર્ષે રિલીઝ થશે.