જેલની સજાનો આ નિર્ણય રવીન્દ્રન માટે એવા સમયે આવ્યો છે જ્યારે તેઓ વિશ્વભરમાં વિદેશી રોકાણકારોના મુકદ્દમાનો સામનો કરી રહ્યા છે. અમેરિકામાં પણ લેન્ડર્સ તેમની પાસેથી 1.2 બિલિયન ડોલર (લગભગ ₹11,000 કરોડ)ની લોનની વસૂલાત માટે કાનૂની લડાઈ લડી રહ્યા છે. આ લોન તે સમયે વિવાદોમાં આવી ગઈ હતી, જ્યારે કંપનીની આર્થિક સ્થિતિ બગડવા લાગી હતી.

રવીન્દ્રને ‘થિંક એન્ડ લર્ન પ્રાઇવેટ લિમિટેડ’ નામથી પોતાની કંપનીની શરૂઆત કરી હતી, જેને દુનિયાભરમાં ‘બાયજુસ’ના નામથી ઓળખવામાં આવી. એક સમયે તેઓ ભારતના સૌથી સફળ સ્ટાર્ટઅપ ફાઉન્ડર્સમાં ગણાતા હતા અને આ કંપનીએ તેમને અબજોપતિ બનાવી દીધા હતા. વૈશ્વિક કંપનીઓ પાસેથી મોટા પાયે રોકાણ મેળવનારી આ કંપની ક્યારેક ભારતીય સ્ટાર્ટઅપ જગતની સૌથી મોટી ‘સક્સેસ સ્ટોરી’ માનવામાં આવતી હતી.

દિવ્ય ભાસ્કરને Google પર મનપસંદ સોર્સ બનાવો