બીબીસી ઇન્ડિયન સ્પોર્ટ્સવુમન ઑફ ધ યર એવોર્ડ્સની છઠ્ઠી આવૃત્તિના વિજેતાઓની જાહેરાત કરવામાં આવી છે, જેમાં ક્રિકેટ, શૂટિંગ, ચેસ, કબડ્ડી અને પેરા એથ્લેટિક્સમાં અસાધારણ સિદ્ધિઓ મેળવનાર ભારતની અગ્રણી મહિલા ખેલાડીઓ ફોકસમાં છે.

ભારતીય મહિલા ક્રિકેટ ટીમના વાઇસ કૅપ્ટન સ્મૃતિ મંધાનાને લિએન્ડર પેસ, દીપા મલિક અને અંજુ બોબી જ્યોર્જની બનેલી એક પ્રતિષ્ઠિત ગ્રાન્ડ જ્યુરી દ્વારા બીબીસી ઇન્ડિયન સ્પોર્ટ્સવુમન ઑફ ધ યર (ISWOTY) 2025 તરીકે પસંદ કરી છે. આ 29 વર્ષીય ડાબોડી બેટર પહેલેથી જ ક્રિકેટના મહાન ખેલાડીઓમાં સામેલ છે. મહિલા વન-ડે આંતરરાષ્ટ્રીય મેચોમાં તે સદીઓ ફટકારવામાં બીજા ક્રમે છે અને કુલ રનના મામલે વિશ્વભરમાં વર્તમાન ખેલાડીઓમાં ત્રીજા ક્રમે છે.

આ સમારોહમાં આમનું પણ સન્માન થયું

દિવ્યા દેશમુખ: બીબીસી ઇમર્જિંગ પ્લેયર ઑફ ધ યર, માત્ર 20 વર્ષની ઉંમરે ઐતિહાસિક FIDE મહિલા વર્લ્ડ કપમાં જીતવા માટે. પ્રીતિ પાલ: બીબીસી પેરા સ્પોર્ટ્સવુમન ઑફ ધ યર, 2024ના પેરિસ પેરાલિમ્પિક્સમાં ટ્રેક એન્ડ ફિલ્ડમાં બે બ્રોન્ઝ મેડલ જીતવા માટે. અંજલિ ભાગવત: બીબીસી લાઇફટાઇમ એચિવમેન્ટ એવૉર્ડ, ઓલિમ્પિક ફાઇનલ સુધી પહોંચનારાં ભારતનાં પ્રથમ મહિલા શૂટર તરીકે તેમની કારકિર્દી તથા વૈશ્વિક મંચ પર તેમની અદભુત સફળતાને સન્માનિત કરાઈ.

આ ઉપરાંત આ સમારોહમાં અનેક પ્રતિભાઓને બિરદાવવામાં આવી હતી. તેમાં સ્ટાર પર્ફોર્મર્સ અને ચેન્જમેકર્સને માન્યતા આપવામાં આવી હતી, જેમના યોગદાનથી ભારતીય રમતજગતના ક્ષેત્રને પુનઃવ્યાખ્યાયિત કરવામાં મદદ મળી છે.

બીબીસી સ્ટાર પર્ફોર્મર્સ ઑફ ધ યર 2025

ભારતીય મહિલા ક્રિકેટ ટીમ: ઐતિહાસિક વર્લ્ડ કપમાં વિજય માટે. એકતા ભયાન, દીપ્તિ જીવનજી અને પ્રીતિ પાલ: વર્લ્ડ પેરા એથ્લેટિક્સ ચેમ્પિયનશિપમાં તેમના શાનદાર પ્રદર્શન માટે. અંધજનો માટેની ભારતીય મહિલા ક્રિકેટ ટીમ: તેમના પ્રેરણાદાયી વર્લ્ડ કપ વિજય માટે. ભારતીય મહિલા કબડ્ડી ટીમ: વર્લ્ડ કપમાં તેમના શાનદાર વિજય માટે.

બીબીસી ચેન્જમેકર્સ ઑફ ધ યર 2025

ભારતીય મહિલા આઇસ હોકી ટીમ: બિન-પરંપરાગત રમતમાં અવરોધો તોડવા બદલ. રાજબીર કૌર: ભારતીય ફિલ્ડ હોકી ખેલાડી અને મહિલા રાષ્ટ્રીય ટીમના ભૂતપૂર્વ કૅપ્ટન. સવિતા પુનિયા: ભારતીય ફિલ્ડ હોકી ખેલાડી અને રાષ્ટ્રીય ટીમના વર્તમાન સભ્ય. પાની દેવી: પાયાના સ્તરે રમતમાં પોતાના પ્રભાવશાળી યોગદાન બદલ.

દિવ્ય ભાસ્કરને Google પર મનપસંદ સોર્સ બનાવો