નેપાળે T20 વર્લ્ડ કપ 2026માં પ્રથમ જીત મેળવી છે. ટીમે સ્કોટલેન્ડને 7 વિકેટે હરાવ્યું. મુંબઈના વાનખેડે સ્ટેડિયમમાં નેપાળે ગ્રુપ-Cની આ મેચમાં ટૉસ જીતીને બોલિંગ પસંદ કરી. ટીમે વર્લ્ડકપમાં પહેલીવાર ટૉસ જીત્યો. સ્કોટલેન્ડે 20 ઓવરમાં 7 વિકેટે 170 રન બનાવ્યા. જવાબી ઇનિંગ્સમાં નેપાળે 19.2 ઓવરમાં 3 વિકેટે ટાર્ગેટને ચેઝ કર્યો. દીપેન્દ્ર સિંહ ઐરીએ 23 બોલમાં 50 રનની અણનમ ઇનિંગ્સ રમી. તેને પ્લેયર ઓફ ધ મેચ તરીકે પસંદ કરવામાં આવ્યો. ઓપનર કુશલ ભુર્તેલે 43 રન બનાવ્યા
ઓપનર કુશલ ભુર્તેલે 43 રન બનાવ્યા. આસિફ શેખે 33 અને ગુલશન ઝાએ 24 રન બનાવ્યા. માઈકલ લીસ્કને 3 વિકેટ મળી. ટીમના બાકીના બોલરોને વિકેટ મળી નહીં. સ્કોટલેન્ડના માઈકલ જોન્સની ફિફ્ટી
સ્કોટલેન્ડ તરફથી ઓપનર માઈકલ જોન્સ (71 રન)એ ફિફ્ટી ફટકારી. જ્યોર્જ મુન્સેએ 27 અને બ્રેન્ડન મેકમુલેને 25 રન બનાવ્યા. બાકીના બેટર્સ ખાસ પ્રદર્શન કરી શક્યા નહીં. સોમપાલ કામીને 3 વિકેટ
નેપાળ તરફથી સોમપાલ કામીએ 3 વિકેટ ઝડપી. નંદન યાદવને 2 વિકેટ મળી. કેપ્ટન રોહિત પૌડેલ અને કુશલ ભુર્તેલે એક-એક વિકેટ લીધી. બન્ને ટીમની પ્લેઇંગ-11 નેપાળ (NEP): કુશલ ભુર્તેલ, આસિફ શેખ, રોહિત પૌડેલ (કેપ્ટન), દીપેન્દ્ર સિંહ ઐરી, આરિફ શેખ, લોકેશ બામ, ગુલશન ઝા, સોમપાલ કામી, સુદીપ જોરા, કરણ કેસી, નંદન યાદવ, સંદીપ લામિછાને. સ્કોટલેન્ડ (SCO): જ્યોર્જ મુન્સે, માઈકલ જોન્સ, બ્રેન્ડન મેકમુલેન, રિચી બેરિંગ્ટન (કેપ્ટન), ટોમ બ્રુસ, મેથ્યુ ક્રોસ (વિકેટકીપર), માર્ક વોટ, માઈકલ લીસ્ક, ઓલિવર ડેવિડસન, બ્રેડ વ્હીલ, બ્રેડ કરી.