ટી-20 વર્લ્ડ કપ 2026ના ગ્રુપ સ્ટેજમાં ટીમ ઇન્ડિયાનું પ્રદર્શન શાનદાર રહ્યું, પરંતુ એક મોટી નબળાઈ પણ સામે આવી છે. ભારતીય ટોપ ઓર્ડરના પહેલા આઠ બેટરોમાંથી છ લેફ્ટ હેન્ડ છે. ટીમ આનો ફાયદો ઉઠાવીને ભારતીય બેટરો સામે સતત ઓફ સ્પિનનો ઉપયોગ કરી રહી છે.

ટીમ ઇન્ડિયાના આસિસ્ટન્ટ કોચ રાયન ટેન ડોશ્ચેઝે પણ સ્વીકાર્યું છે કે ટીમને ટર્નિંગ પીચ અને મોટાં મેદાનો માટે વધુ સારી રણનીતિ બનાવવાની જરૂર છે.

ભારતનો સ્કોરિંગ રેટ ખૂબ ઓછો ટુર્નામેન્ટમાં ભારતે ઓફ સ્પિન સામે સૌથી વધુ 102 બોલ રમ્યા. 6થી વધુ ઓવર ઓફ સ્પિન રમતી 13 ટીમોમાં ભારતનો રન રેટ ફક્ત 6.23 રહ્યો છે. આ મામલે ભારત કરતાં ખરાબ પ્રદર્શન ફક્ત નેપાળ અને ઓમાનનું રહ્યું. બાકીની બધી ટીમોએ ઓફ સ્પિન સામે 8 કે તેથી વધુના રન રેટથી બેટિંગ કરી.

ક્રિકેટ નિષ્ણાતોનું માનવું છે કે ટીમ ઇન્ડિયાના ટોપ ઓર્ડરમાં 3 લેફ્ટ હેન્ડર્સ છે. ઓફ સ્પિનને ટેકલ કરવા માટે નંબર-3 પર તિલક વર્માની જગ્યાએ કેપ્ટન સૂર્યકુમાર યાદવે બેટિંગ કરવી જોઈએ.

લેફ્ટી બેટર્સ સામે ઓફ સ્પિન હથિયાર ભારતીય ટીમમાં ઈશાન કિશન, તિલક વર્મા અને અભિષેક શર્મા જેવા લેફ્ટી બેટર્સે વિરોધી કેપ્ટનોનું કામ સરળ બનાવી દીધું છે. નેધરલેન્ડના આર્યન દત્તે 4 ઓવરમાં 19 રન આપીને 2 વિકેટ લીધી. તેણે અભિષેક શર્મા અને ઈશાન કિશનને પેવેલિયન ભેગા કરીને ટીમ ઈન્ડિયાને શરૂઆતમાં જ મુશ્કેલીમાં મૂકી દીધી હતી.

અભિષેક ખાતું ખોલાવ્યા વિના જ પેવેલિયન પાછો ફર્યો હતો, જ્યારે ઈશાન કિશન 7 બોલમાં 18 રન બનાવીને આઉટ થયો. આ ઉપરાંત નામિબિયાના જેરાર્ડ ઇરાસ્મસે પણ ભારતીય ટોપ ઓર્ડરને ઘણો પરેશાન કર્યો. ભારતની ઓફ સ્પિન સામે સરેરાશ પણ માત્ર 13.25ની રહી છે. એટલે કે ટીમ ઈન્ડિયા ઓફ સ્પિનર્સ સામે 14 રન બનાવવામાં એક વિકેટ ગુમાવી રહી છે.

અભિષેક શર્માની ખરાબ શરૂઆત અભિષેક શર્માએ પોતાની વર્લ્ડ કપ કારકિર્દીની શરૂઆત ખૂબ જ ખરાબ કરી. તે સતત ત્રણ ઇનિંગ્સમાં શૂન્ય પર આઉટ થયો. તેમાંથી બેવાર તે ઓફ સ્પિનર ​​સામે આક્રમક શોટ રમવાના પ્રયાસમાં વિકેટ ગુમાવી બેઠો, જ્યારે, નંબર-3 પર રમતા તિલક વર્માએ અત્યારસુધીમાં ઓફ સ્પિનરની સૌથી વધુ 31 બોલ રમ્યા છે, પરંતુ તે માત્ર 26 રન જ બનાવી શક્યો છે.

સૂર્યા અને તિલકના બેટિંગ ઓર્ડરમાં ફેરફાર પર ચર્ચા પૂર્વ ક્રિકેટર આકાશ ચોપરાનું માનવું છે કે ઓફ સ્પિનના ખતરાથી બચવા માટે ભારતે નંબર-3 પર તિલક વર્માની જગ્યાએ સૂર્યકુમાર યાદવને મોકલવો જોઈએ. ટીમ ઇન્ડિયામાં ઘણા લેફ્ટ હેન્ડ બેટર હોવાને કારણે ટીમો શરૂઆતની ઓવરોમાં ઓફ સ્પિનનો ઉપયોગ કરી રહી છે.

ટીમોનું આયોજન રહે છે કે પાવરપ્લેની શરૂઆતની 4 ઓવર ઓફ સ્પિનથી કરાવવામાં આવે. જો ત્રીજા નંબરે સૂર્યકુમાર યાદવ બેટિંગ કરવા આવે છે, તો ટીમોને પોતાની રણનીતિ બદલવી પડશે. આનાથી ભારત મોટેભાગે ઓફ સ્પિનના દબાણમાંથી બહાર નીકળી શકે છે.

સૂર્યાએ પણ સંઘર્ષ કર્યો સૂર્યકુમાર યાદવ પણ આ ટુર્નામેન્ટમાં ઓફ સ્પિન સામે સંઘર્ષ કરતો જોવા મળ્યો. તેણે 27 બોલમાં માત્ર 28 રન બનાવ્યા. ટીમ મેનેજમેન્ટ હાલમાં તિલકને નંબર-3 પર એટલા માટે રાખે છે, કારણ કે તે પાવરપ્લેમાં ઝડપી બોલરો સામે ઝડપથી રન બનાવી રહ્યો છે. જ્યારે સૂર્યકુમારનું પ્રદર્શન ડેથ ઓવરોમાં વધુ પ્રભાવી રહ્યું છે, જ્યાં તે લગભગ 150ના સ્ટ્રાઈક રેટથી રન બનાવી રહ્યો છે.

અભિષેક શર્માને લઈને પણ સલાહ આકાશ ચોપરાનું માનવું છે કે અભિષેકે ઓફ સ્પિન સામે સીધા શોટ રમવા પર ધ્યાન આપવું જોઈએ. જો અભિષેક શરૂઆતમાં એક-બે રન બનાવીને ખાતું ખોલી લે છે, તો તેનો આત્મવિશ્વાસ વધશે અને તે જલદી જ પોતાનો લય પાછી મેળવી લેશે.

પૂર્વ સ્પિનર ​​રવિચંદ્રન અશ્વિન અને પૂર્વ ઝડપી બોલર ઇરફાન પઠાણનો પણ આ જ અભિપ્રાય છે. તેમનું માનવું છે કે અભિષેકે તેના મેન્ટર યુવરાજ સિંહ સાથે વાત કરવી જોઈએ અને ઓફ સ્પિન સામે સીધા શોટ રમવાની રણનીતિ અપનાવવી જોઈએ, જેથી તે આ પડકારનો વધુ સારી રીતે સામનો કરી શકે.

ટેન ડોશ્ચેટ્ટે કહ્યું હતું કે અભિષેક પોતાની ક્ષમતા જાણે છે. મેચ પહેલાં તેણે નેટ્સ પર 90 મિનિટ સુધી પરસેવો પાડ્યો અને પોતાનો લય પાછી મેળવ્યો. તેને બસ થોડા આત્મવિશ્વાસની જરૂર છે, તેનો પાછલો રેકોર્ડ જ તેની તાકાત છે.

સુપર-8માં પડકાર વધુ વધશે ભારતના ગ્રુપની અન્ય ટીમો આ નબળાઈને પારખી ચૂકી છે. સુપર-8માં સાઉથ આફ્રિકા પાસે એડન માર્કરમ, ઝિમ્બાબ્વે પાસે સિકંદર રઝા અને વેસ્ટ ઈન્ડીઝ પાસે રોસ્ટન ચેઝ જેવા અનુભવી ઓફ સ્પિનર્સ છે. આ ટીમો ભારત સામે નવી બોલથી પણ ઓફ સ્પિનનો ઉપયોગ કરી શકે છે.

સ્પોર્ટ્સના આ સમાચાર પણ વાંચો…

ઓસ્ટ્રેલિયાએ આ ટુર્નામેન્ટમાં છેલ્લી મેચ જીતી: ઓમાનને 9 વિકેટે હરાવ્યું, માર્શ-હેડે 93 રન જોડ્યા; ઝમ્પાએ 4 વિકેટ લીધી

ઓસ્ટ્રેલિયાએ T20 વર્લ્ડ કપ 2026 જીત સાથે સમાપ્ત કર્યો. ટીમે શુક્રવારે છેલ્લી ગ્રુપ સ્ટેજ મેચમાં ઓમાનને 9 વિકેટે હરાવ્યું. કેન્ડીના પલ્લેકેલે સ્ટેડિયમમાં પહેલા બેટિંગ કરવા ઊતરેલી ઓમાન 104 રનમાં સમેટાઈ ગઈ. મિચેલ માર્શ અને ટ્રેવિસ હેડે 93 રનની ભાગીદારી કરીને કાંગારુ ટીમને જીત અપાવી. સંપૂર્ણ સમાચાર વાંચવા માટે અહીં ક્લિક કરો…

દિવ્ય ભાસ્કરને Google પર મનપસંદ સોર્સ બનાવો