Vaibhav Aims to Break Gayles IPL Record; Eyes T20 Double Ton
દિલ્હી3 કલાક પેહલા
- કૉપી લિંક
વૈભવ સૂર્યવંશી T20માં 200 રનનો વ્યક્તિગત સ્કોર બનાવવા માંગે છે. 15 વર્ષના ક્રિકેટરે કહ્યું કે તેનો ટાર્ગેટ IPLમાં વેસ્ટ ઈન્ડિઝના દિગ્ગજ બેટ્સમેન ક્રિસ ગેલના 175 રનના રેકોર્ડને તોડવાનો છે.
વૈભવ ઇંગ્લેન્ડના પૂર્વ ક્રિકેટર કેવિન પીટરસનની યુટ્યુબ ચેનલ પર વાતચીત કરી રહ્યા હતા. તેણે કહ્યું કે તેને માત્ર ફિફટી બનાવવામાં રસ નથી, પરંતુ તેઓ T20 ક્રિકેટની પ્રથમ બેવડી સદી ફટકારવી છે.
સીઝનમાં વૈભવે 230+ સ્ટ્રાઈક રેટથી 500+ રન બનાવ્યા
વૈભવ આ સીઝનમાં શાનદાર ફોર્મમાં છે. રાજસ્થાન રોયલ્સ માટે રમતા તેણે 14 મેચોમાં 583 રન બનાવ્યા છે. તેનો સ્ટ્રાઈક રેટ 232થી વધુ છે. 53 છગ્ગા ફટકાર્યા છે, જે કોઈ ભારતીય બેટ્સમેન દ્વારા એક IPL સીઝનમાં સૌથી વધુ છે.
વૈભવ IPLમાં સૌથી ઝડપી સદી ફટકારનાર ભારતીય
વૈભવે તેની ડેબ્યૂ IPL સિઝન 2025માં ગુજરાત સામે 35 બોલમાં સદી ફટકારી હતી. આ IPLમાં કોઈપણ ભારતીય દ્વારા સૌથી ઝડપી સદી હતી. તેણે આ સિઝનમાં સનરાઇઝર્સ હૈદરાબાદ સામે 36 બોલમાં સદી ફટકારી હતી. તેણે તેની બંને સદી જયપુરમાં ફટકારી છે.
ક્રિસ ગેલના નામે T20ની સૌથી મોટી ઇનિંગ્સ
ક્રિસ ગેલે IPL 2013માં રોયલ ચેલેન્જર્સ બેંગલુરુ તરફથી રમતા પુણે વોરિયર્સ સામે 66 બોલમાં અણનમ 175 રન બનાવ્યા હતા. આ ટી20 ક્રિકેટમાં કોઈ પણ બેટ્સમેનની સૌથી મોટી ઇનિંગ્સ છે. ગેલે તે જ મેચમાં 30 બોલમાં સદી ફટકારી હતી, જે IPLની સૌથી ઝડપી સદી હતી. બીજા નંબરે ઓસ્ટ્રેલિયાના એરોન ફિન્ચ છે, જેમણે 2018માં ઝિમ્બાબ્વે સામે 172 રન બનાવ્યા હતા.
12 વર્ષમાં રણજી ડેબ્યૂથી ઇન્ડિયા-A સુધીની સફર
- વૈભવે જાન્યુઆરી 2024માં બિહાર માટે રણજી ટ્રોફીમાં ડેબ્યૂ કર્યું હતું. ત્યારે તેની ઉંમર 12 વર્ષ હતી. 2024માં મુંબઈ અને છત્તીસગઢ સામે તેણે બે ફર્સ્ટ ક્લાસ મેચમાં 31 રન બનાવ્યા હતા.
- વૈભવે સચિન તેંડુલકર (15 વર્ષ) અને યુવરાજ સિંહ (18 વર્ષ)ને પાછળ છોડીને ઘરેલું ફર્સ્ટ ક્લાસ ક્રિકેટમાં સૌથી ઓછી ઉંમરે ડેબ્યૂ કરનાર ખેલાડી બન્યો.
- વૈભવે 13 વર્ષની ઉંમરે ઓસ્ટ્રેલિયા સામે અંડર-19 યુથ ટેસ્ટ સિરીઝમાં માત્ર 58 બોલમાં સદી ફટકારી હતી. આ અંડર-19 ટેસ્ટ ક્રિકેટમાં બીજી સૌથી ઝડપી સદી હતી. તેણે 62 બોલમાં 104 રનની ઇનિંગ રમી હતી, જેમાં 14 ચોગ્ગા અને 4 છગ્ગા સામેલ હતા.
- વૈભવે લિસ્ટ-A (50 ઓવર)માં અત્યાર સુધી 8 મેચ રમી છે. આ દરમિયાન તેણે 44.12ની સરેરાશ અને 164.95ના સ્ટ્રાઈક રેટથી 353 રન બનાવ્યા છે. તેનો સર્વશ્રેષ્ઠ સ્કોર 190 રન રહ્યો છે. સૂર્યવંશીએ આ ફોર્મેટમાં 1 સદી અને 1 અડધી સદી ફટકારી છે. તેણે 37 ચોગ્ગા અને 23 છગ્ગા પણ ફટકાર્યા છે.
- IPL 2025માં વૈભવે માત્ર 7 મેચમાં 252 રન બનાવ્યા, જેમાં એક સદી અને એક અડધી સદી સામેલ હતી. આ તમામ પ્રદર્શનના આધારે BCCIએ તેને ઇન્ડિયા-Aમાં સ્થાન આપ્યું.
એશિયા કપમાં 243થી વધુનો સ્ટ્રાઈક રેટ
વૈભવે એશિયા કપ રાઇઝિંગ સ્ટાર્સ 2025 ટી-20માં 4 મેચમાં 59.75ની સરેરાશ અને 243.87ના સ્ટ્રાઇક રેટથી 239 રન બનાવ્યા હતા. આ દરમિયાન તેનો સર્વશ્રેષ્ઠ સ્કોર 144 રન રહ્યો હતો. સૂર્યવંશીએ આ સિરીઝમાં એક સદી પણ ફટકારી હતી. તેણે 20 ચોગ્ગા અને 22 છગ્ગા ફટકાર્યા હતા.
latest video
news via inbox
Subscribe for the latest updates, promotions, and ads.
