સેમસન-જાડેજા જૂની ટીમ સામે ઉતરશે

સંજુ સેમસન અને રવીન્દ્ર જાડેજા આ સીઝનમાં પોતાની જૂની ટીમ સામે રમતા જોવા મળશે. સેમસન છેલ્લા એક દાયકાથી વધુ સમય સુધી રાજસ્થાનનો ભાગ રહ્યો હતો. હવે તે ચેન્નઈની જર્સીમાં દેખાશે. બીજી તરફ, લાંબા સમય સુધી ચેન્નઈ માટે રમનાર જાડેજા આ વખતે રાજસ્થાન તરફથી મેદાનમાં ઉતરશે.

ચેન્નઈની બેટિંગ મજબૂત

ચેન્નઈની બેટિંગ આ વખતે ઘણી મજબૂત દેખાઈ રહી છે. શિવમ દુબે અને આયુષ મ્હાત્રે મિડલ ઓર્ડરમાં ટીમના ભરોસાપાત્ર બેટર બની ગયા છે, જ્યારે યુવા ખેલાડી સંજુ સેમસન પણ ટીમને મજબૂતી આપી રહ્યા છે. બોલિંગમાં નૂર અહેમદ, અકીલ હોસૈન, મેટ હેનરી અને ખલીલ અહેમદ જવાબદારી સંભાળશે. ડેવાલ્ડ બ્રેવિસ ઈજાને કારણે શરૂઆતની મેચમાંથી બહાર થયો છે.

વૈભવ સૂર્યવંશી પાસેથી RRને આશા

રાજસ્થાન રોયલ્સમાં રવીન્દ્ર જાડેજાના આવવાથી ટીમનો અનુભવ અને સંતુલન બંને વધ્યા છે. બેટિંગમાં મોટી જવાબદારી યશસ્વી જયસ્વાલ પર રહેશે. તેની સાથે યુવા વૈભવ સૂર્યવંશી અને ફોર્મમાં ચાલી રહેલા શિમરોન હેટમાયર ટીમને મજબૂતી આપતા જોવા મળશે. જોકે, રોયલ્સ માટે બોલિંગ ચિંતાનો વિષય બનેલી છે. છેલ્લી સીઝન પછી ટીમમાં ઘણા બદલાવ થયા છે, પરંતુ જોફ્રા આર્ચરની લીડરશીપમાં ફાસ્ટ બોલરોએ સાતત્ય પર કામ કરવું પડશે. બીજી તરફ, સ્પિન વિભાગની જવાબદારી જાડેજા અને રવિ બિશ્નોઈ સંભાળશે.

પીચ રિપોર્ટ- હાઈ સ્કોરિંગ મેચ થઈ શકે છે

બરસાપારા ક્રિકેટ સ્ટેડિયમની પીચ સામાન્ય રીતે બેટિંગ ફ્રેન્ડલી માનવામાં આવે છે. અહીં બોલ બેટ પર સારી રીતે આવે છે, જેનાથી બેટર્સને ખુલીને શોટ રમી શકે છે અને મોટા સ્કોર જોવા મળે છે. જોકે, શરૂઆતમાં ફાસ્ટ બોલરોને થોડી મદદ મળી શકે છે, ખાસ કરીને નવા બોલથી સ્વિંગ જોવા મળી શકે છે. અહીં ચેઝ કરવું થોડું સરળ માનવામાં આવે છે, કારણ કે રાત્રે ઝાકળની અસર પડી શકે છે અને બેટિંગ સરળ બની જાય છે.

અહીં અત્યાર સુધી IPLની માત્ર 6 મેચ રમાઈ છે. 3 મેચમાં પહેલી ઇનિંગમાં બેટિંગ કરનારી ટીમ અને 2 મેચમાં ચેઝ કરનારી ટીમની જીત થઈ છે, જ્યારે એક મેચનું પરિણામ આવી શક્યું નહોતું. અહીંનો હાઈએસ્ટ ટીમ સ્કોર 199/4 છે, જે રાજસ્થાન રોયલ્સે 2023માં દિલ્હી કેપિટલ્સ સામે બનાવ્યો હતો.

ગુવાહાટીમાં વાદળછાયું વાતાવરણ રહેશે

ગુવાહાટીમાં સોમવારે હવામાન બદલાતું જોવા મળી શકે છે. આકાશમાં વાદળો છવાયેલા રહેવાની અને હળવા વરસાદની શક્યતા છે, જેની સંભાવના લગભગ 55-60% જણાવવામાં આવી રહી છે. ભેજ વધારે રહેવાથી બફારો પણ અનુભવાઈ શકે છે. તાપમાન 19 થી 27 ડિગ્રી સેલ્સિયસ વચ્ચે રહેવાનું અનુમાન છે, જ્યારે હવાની ગતિ અંદાજે 9 કિમી પ્રતિ કલાક રહી શકે છે.

બન્ને ટીમની પોસિબલ-12