ઘરે તૈયાર થતી વેજ થાળીની સરેરાશ કિંમત દેશભરમાં 5% વધીને 28.4 રૂપિયા થઈ ગઈ છે. ગયા વર્ષે જુલાઈ-2025માં વેજ થાળીની કિંમત 28.1 રૂપિયા હતી. રેટિંગ એજન્સી ક્રિસિલે માસિક રિપોર્ટમાં જણાવ્યું કે, જૂન-2026માં ટામેટાં, ડુંગળી, ખાદ્ય તેલ અને રસોઈ ગેસ સિલિન્ડર મોંઘા થવાથી થાળીની કિંમત વધી છે. મોંઘવારીથી બટાકાની કિંમતોમાં આવેલો ઘટાડાનો પ્રભાવ પણ સમાપ્ત થઈ ગયો. એજન્સીના રાઇસ રોટી રેટ (RRR) રિપોર્ટ મુજબ, ચિકનની સપ્લાય ઘટવાથી નોન-વેજ થાળીની કિંમત પણ જૂનમાં 6% મોંઘી થઈ છે. તેમજ, હવામાનની અસરને કારણે આવનારા દિવસોમાં કઠોળની કિંમત પણ વધી શકે છે. મે મહિનાની સરખામણીમાં જૂનમાં પણ થાળીની કિંમત વધી જો મહિના-દર-મહિના (મે 2026ની સરખામણીમાં જૂન 2026)ના આધારે જોઈએ, તો વેજ થાળી 4% અને નોન-વેજ થાળી 3% મોંઘી થઈ છે. આ સમયગાળા દરમિયાન માસિક ધોરણે ટામેટાંના ભાવ 17%, બટાકાના 5% અને ડુંગળીના ભાવ 8% વધ્યા છે, જેનાથી થાળીનો ખર્ચ વધ્યો છે. તેમજ ઓછી સપ્લાય વચ્ચે બ્રોઈલરની કિંમતોમાં પણ મહિના-દર-મહિનાના આધારે 2%નો વધારો અંદાજિત છે. મિડલ ઈસ્ટ સંકટથી LPG અને ખાદ્ય તેલ 10% મોંઘા ક્રિસિલ ઇન્ટેલિજન્સના ડિરેક્ટર પુષણ શર્માના મતે, મિડલ ઇસ્ટમાં અમેરિકા-ઇરાન વચ્ચે ચાલી રહેલા યુદ્ધને કારણે વૈશ્વિક સ્તરે સપ્લાય ચેઇન પ્રભાવિત થઈ છે. તેનાથી ખાદ્ય તેલ અને LPG સિલિન્ડરની કિંમતોમાં વાર્ષિક ધોરણે 10-10%નો વધારો થયો છે. તેનાથી બંને થાળીના ભાવ ઊંચા સ્તરે જળવાઈ રહ્યા છે. ટામેટાં 31% મોંઘા, ₹42 કિલો થયા, બટાકા 14% સસ્તા જૂન 2025માં જે ટામેટાં ₹32 પ્રતિ કિલો હતા, તે જૂન 2026માં 31% મોંઘા થઈને ₹42 પ્રતિ કિલો પર પહોંચી ગયા છે. ટામેટાં મોંઘા થવાનું કારણ ફેબ્રુઆરી-માર્ચમાં વધુ તાપમાનને કારણે ઉનાળાના પાકની વાવણીમાં વિલંબ અને ઓછું વાવેતર છે. બીજી તરફ, વધુ કિંમતવાળા રવિ પાકના સ્ટોક બજારમાં આવવાથી ડુંગળીના ભાવ પણ વાર્ષિક ધોરણે 2% વધ્યા છે. જોકે, નવા રવિ પાકના આગમનથી બટાકાના ભાવમાં 14%નો ઘટાડો થયો છે, જેનાથી થાળીની કિંમત ઘટાડવામાં મદદ મળી છે. ગરમીથી બ્રોઈલરનો પુરવઠો ઘટ્યો, નોન-વેજ થાળી 7% મોંઘી નોન-વેજ થાળીની કિંમત વધવાનું સૌથી મોટું કારણ બ્રોઈલર (ચિકન)ની કિંમતોમાં વાર્ષિક ધોરણે થયેલો 7%નો વધારો છે. નોન-વેજ થાળીની કુલ કિંમતમાં બ્રોઈલરનો હિસ્સો લગભગ 50% હોય છે.
જૂનમાં ભીષણ ગરમીના કારણે પક્ષીઓનો મૃત્યુદર વધી ગયો, તેમનું વજન ઘટ્યું અને પોલ્ટ્રી ફાર્મ્સે નવા બચ્ચાઓને રાખવામાં ઓછો રસ દાખવ્યો. તેનાથી બજારમાં બ્રોઈલરનો પુરવઠો ઘણો ઓછો થઈ ગયો અને ભાવ વધી ગયા. પાકને નુકસાન થવાથી કઠોળ મોંઘા રહેશે પુશન શર્માએ જણાવ્યું કે અડદ અને મગનો જૂનો સ્ટોક (ઓપનિંગ સ્ટોક) પહેલેથી જ ઓછો છે. આ સાથે જ કર્ણાટક, મધ્યપ્રદેશ અને મહારાષ્ટ્રમાં હવામાનની અસરને કારણે કઠોળના ઉત્પાદનને નુકસાન થયું છે, જેનાથી આગળ પણ કઠોળની કિંમતોમાં તેજી રહેવાની આશંકા છે. આ જ રીતે, મુખ્ય ઉત્પાદક રાજ્યોમાં સતત વરસાદની અછતને કારણે વાવણીમાં વિલંબ અને ભેજના તણાવથી ખરીફ ડુંગળી અને ટામેટાંનું ઉત્પાદન ઘટી શકે છે. ડુંગળી અને ટામેટાંના ભાવ ઊંચા રહેવાની શક્યતા ઓછી રવિ સપ્લાય અને ખરીફની આવકમાં વિલંબને કારણે મધ્યમ ગાળામાં ડુંગળીના ભાવ મજબૂત રહેવાની અપેક્ષા છે. આ સાથે, ખરીફની વાવણીમાં વિલંબ અને મોસમી રીતે ઓછી સપ્લાયને કારણે જુલાઈ અને ઓગસ્ટ દરમિયાન ટામેટાંના ભાવ પણ ઊંચા રહી શકે છે. સપ્ટેમ્બરમાં ખરીફની આવક વધવાથી રાહત મળી શકે છે રિપોર્ટ અનુસાર, જુલાઈ દરમિયાન ટામેટાંના ભાવ ખૂબ જ સંવેદનશીલ રહેશે, કારણ કે મુખ્ય ઉત્પાદક વિસ્તારોમાં ચોમાસાને કારણે લોજિસ્ટિક્સમાં કોઈપણ અવરોધ અથવા પાકને નુકસાન થવાથી સપ્લાય વધુ ઘટી શકે છે, જેનાથી ભાવ ઊંચા રહેશે. જોકે, સપ્ટેમ્બર મહિનાથી દક્ષિણ અને પશ્ચિમી વિસ્તારોમાંથી ખરીફની આવક સુધરવાની સાથે કિંમતોમાં ઘટાડો થવાની અપેક્ષા છે. આ સુધારો આ વાત પર નિર્ભર કરશે કે ચોમાસાના વરસાદનું વિતરણ કેવું રહે છે, પાકની તંદુરસ્તી કેવી છે અને સપ્લાય કોઈપણ અવરોધ વિના બજાર સુધી પહોંચે છે કે નહીં.